Во Ново Село турнир во одбојка на песок во ООУ Мануш Турновски – за најдобрите вредни парични награди

2223

Викендов на импровизираното одбојкарско игралиште на песок при ООУ ,,Мануш Турновоски’’ во Ново Село ќе стартува првиот турнир во одбојка на песок на иницијатива на тројца ентузијасти од ова општина за да докажат дека и од нивниот регион има квалитетни одбојкари. Тие деновиве ги финишираат подготовките околу теренот и осветлувањето на истиот на кој од сабота 27 јули треба и официјално да почнат натпреварите за овој турнир со награден фонд од над 36 илјади денари

,, Засега имаме пријавено околу 15 двојки или тимови како во машка така и во женска конкуренција. Претежно се двојки од Ново Село, Ново Коњарево, Струмица од овој регион. Котизацијата е 1500 денари за двојка или тим што сака да учествува на турнирот кој ќе се одржува секоја вечер на игралиштето овде во Мануш Турновски. Пријавувањето на екипите трае до петок и во зависност од бројот на пријавени тимови во машка и женска конкуренција ќе се утврди и системот на натпревари дали тоа ќе биде во групи па најдобрите да играт за првите позиции или секој со секого,, објавија организаторите кои посочија дека на нивната ФБ фан страна може да ги добијат заинтересираните сите информации за учество на ноќниот турнир

Турнирот се очекува да трае минимум 10 дена . Првата награда за најуспешната двојка ќе биде 20 илјади денари втората 10 додека третата 6 илјади денари. Парични награди се предвидени и во женска конкуренција каде освен од Ново Село засега има пријавено двојки и од Струмица

Инаку за потсетување од општина Ново Село излегле голем број квалитетни одбојкари а во моментов од ова општина Стојанче Илиев е и репрезентативец кој ќе земе учество на ЕП во Словенија

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.