Во несреќата во Пјаченца Италија загинале ќерката и внукот на македонскиот конзул кој е од Струмица

2889
Ќерката и внукот од брат на македонскиот конзул во Италија Стојан Витанов од Струмица се жртвите во сообраќајката што утринава околу 4 часот се случи во Пјаченца, Италија. Станува збор за Марија и Методи Витанови на возраст од 25 и 26 години. Како што објавија медиумите тие со автомобил „рено клио“ удриле во дрво, по што возилото се запалило. Кога пристигнале спасувачките екипи и пожарникарите, веќе било доцна.
Како што пренесоа италијанските медиуми сообраќајката се случина на место кое важи за црна точна и на кое за десет дена се случиле три собраќајни несреќи со фатални последици. Од видеото објавено во италијанските медиуми може да се види дека автомобилот е речиси целосно уништен.

Витанов беше назначен за генерален конзул и шеф на Генералниот конзулат на Македонија во Италија во јуни минатата година.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.