Во Богданци, Гевгелија, Радовиш собрани потписите за независни градоначалници a во пет општини од Југоистокот и за независни советнички листи

1086

Во Богданци Гевгелија и Радовиш најверојатно ќе има независни кандидати за градоначалник додека во Струмица, Босилово, Ново Село, Гевгелија и Богданци независни советнички листи. Ова се информациите кои дојдоа од подрачните одделенија на ДИК во Струмица и Гевгелија заклучно до 19 часот каде се собираат потписи согласно законската регулатива.

Во Струмица ќе има независна листа за советници ,,Стига е’’ предводена од Ѓорги Танушев а потписи до вчерва на полноќ се собираат и за листата предводена од Шефкет Асанов.  Независни листи на ,,Стига е !’’ ќе има и во Босилово предводена од Стојан Велков –Трн  и во Ново Село од Костадин Ристоманов

Во Радовиш независниот кандидат за градоначалник Горан Поцков според информациите од ПЕ ДИК Струмциа ги собрал потребните потписи и влегува во игра за првата позиција на ова општина. Независен ќе има и во Богданци. Таму Ристе Џаков ги собрал потребните потписи за да влезе во трката за градоначалник а во ова општина ќе има и независна советничка листа предводена од Борис Ванчев.

Во Гевгелија потребните потписи за градоначалник како што информираат од Подрачната одделение на ДИК ги има собрано Глигор Петков а законски потребните потписи ги има собрано и независната советничка листа предовдена од Томе Ќичуков

Послендите информации беа  дека сеуште не се собрани потписите за независната советничка листа во Струмица предводена од Шефкет Асанов и за незавинсиот кандидат за градоначалник во Василево Ило Ангов. Вечерва на полноќ истекува рокот за собирање на потписи за независни кандидати за градоначалник и независни советнички листи .

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.