Негативен е тестот за коронавирус на возачот на комбето со кое се превезуваше патничката заболена од овој вирус. Како што е познато возачот вчера сам се пријави во струмичката болница жалејки се на кашлица и болки во градите. Но по земените примероци кои се тестираа на инфективната клиника во Скопје е констатирано дека лицето кое било сам дома и никаков контакт со членовите на своето семејство нема коронавирус.
„Упатувам апел до сите на кои ќе им се назначи изолација, дека е за нивно добро и за доброто на пациентите и за сите луѓе во нивна на близина. Јас ги разбирам, но навистина нема потреба за паника и страв“, кажа Филипче.
По барање на Министерството за здравство, Владата донесе препорака до 6 март да се одложат сите јавни настани, а спортските и културните настани да се одржуваат без публика, како превенција од ширење на коронавирусот. По препораката на Владата откажани се карневалите во Струмица и Прилеп.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
