Возачите на товарни возила ќе може да влезат во Грција без тест за коронавирус, велат од МВР

1526

За влез во Република Грција не e потребен негативен ПЦР тест само за возачи на товарни моторни возила, известува Министерството за внатрешни работи откако Грција вчера воведе нов протокол за влез во земјата од граничниот премин „Евзони“, кој стартува на 17 август.

,,Во врска со соопштението од 13.08.2020(Нов протокол за влез во Грција на граничниот премин „Евзони“, кој стартува на 17.08.2020), Ве известуваме дека за влез во Република Грција не e потребен негативен PCR тест само за возачи на товарни моторни возила,, стои во известувањето од МВР

Во согласност со протоколот, до крајот на овој месец, на граничниот премин Евзони, во периодот од 6 до 22 часот по македонско време, влез во Грција ќе може да остварат само грчки државјани, државјани на трети земји што имаат регулиран престој во Грција, дипломатски персонал и членови на нивните семејства, лица што патуваат од медицински и деловни причини, а кои претходно биле најавени и добиле одобрување за патување, како и возачи на товарни возила.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.