„Вие сте најголемите амбасадори на Струмица“, објави Костадинов по средбата со истакнати струмичани во Љубљана

510

Градоначалникот на Струмица Костадин Костадинов кој престојува во работна посета на Љубљана се сретна и со струмичани кои живеат, работат и студираат во оваа држава. Како што објави на својот фб профил тој се сретна со кошаркарската легенда Владо Илиевски, капитенот на македонската одбојкарска репрезентација Никола Ѓоргиев,  научникот и професор Томе Ефтимов но и младиот студент и најдобар математичар Димитар Џорлев.

,,Јас сум горд градоначалник драги мои, оти вие сте најголемите амбасадори на Струмица и ја претставувате Струмица таква каква што е, Најдобра!„ објави градоначалникот Костадин Костадинов.

Тој изминативе денови во Љубљана оставари  средби со повеќе авторитети на главниот град на Словенија од каде се информираше како функционираат тамошите јавни претпријатија за чистота, заловување и хуман третман на кучињата скитници но и за јавниот градски превоз. Вчера се сретна и со градоначалникот на Љубљана Зоран Јанковиќ.

,,Со мојот домаќин реализиравме продуктивна работна средба во чии рамки разговаравме за економската (не)зависност на општините, соработката со бизнис-секторот и можностите за финансирање на општините од странски фондови, како предуслов на патот кон прогрес“, напиша градоначалникот на ФБ Костадин Костадинов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.