Василево се збратими со италијанската Понтенура – заеднички ќе аплицираат пред ЕУ фондовите за проекти

681

Општина Василево потпиша Меморандум за соработка со Општина Понтенуре со што и официјално се збратимија како две локални самоуправи од Македонија и Италија кои во иднина ќе соработуваат на повеќе полиња. Мемораднумот го потпишаа првиот човек на Василево Славе Андонов и градоначалничката на Понтенура – Манола Групи кои се заложија во иднина граѓаните на двете општини да воспостават мосотви на соработка во областа на кулутрата, економијата, туризмот, спортот

,,Намерата е во интерес на граѓаните од двете општини да се развие дијалог и да се зацврсти соработката. Да се разменуваат искуства и преку реализирање на заеднички активности и проекти , делувајќи во атмосфера на доверба, дух на солидарност и европски вредности да се придонесе за заеднички развој и раст. Ние силно веруваме во ова збратимување и ќе бидеме посветени да обезбедиме да расте. Се надевам дека заедно ќе настапиме пред развојните европски фондови , каде што треба да бидеме инвентивни при подготовка на нашите проекти и иницијативи.,, подвлече градоначалникот на Василево Славе Андонов кој подвлече дека збратимувањето  ќе ги поврзе жителите на овие две општини и покрај илјадниците километри што не разделуваат сепак ќе трае и ќе се одржува низ времето.

Средбата мегу Општина Василево и Општина Понтенура се реализира благодарение на Македонците кои живеат во Понтенуре, а посебно Лефтер Коцев и Тони Петров и се очекува во блиска иднина делегација од ова италијанска општина да бидат гости на Општина Василево за да ги презентираат своите искуства во решавањето на проблемтие на граѓаните но и да се постават темелите за кои проекти заеднички ќе се аплицира пред европските фондови

Општина Понтенуре е мала општина, слична на општината Василево со околу 6.500 жители. Се наоѓа во провинцијата Пјаченца во италијанскиот регион Емилија-Ромања на околу 140 километри северозападно од Болоња.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.