Денес, на свечен начин, со сечење црвена лента, градоначалникот на општина Василево Славе Андонв, заедно со претставници на УСАИД, ЛАГ Беласица -Огражден и Мрежата за рурален развој, го отворија новото детско рекреативно катче. Заедно со веќе постоечкото реконструирано игралиште претставува еден мултифункционален спортско-рекреативен простор во кој ќе уживаат најмладите но и повозрасните жители на населеното место Василево.
Опремено е со реквизити и справи за спорт и рекреација, хортикултурно уредено со зимзелени и листопадни дрвца, оградено и опремено со клупи за одмор и канти за отпадоци.
Градоначалникот на општина Василево, Славе Андонов изрази благодарност до партнерите – УСАИД, ЛАГ Беласица-Огражден и Мрежата за рурален развој, кои ја препознале добрата идеја, застанале зад иницијативата на општината и граѓаните и се вклучиле во нејзина реализација, благодарение на што денес граѓаните на Василево се побогати за еден мултифункционален уреден простор од отворен тип, каде што ќе поминуваат убави моменти.
Пред околу две години, општина Василево во соработка со истите партнери, УСАИД и ЛАГ Беласица – Огражден, во рамки на Програмата за развој на заедницата во партнерство со Мрежата за рурален развој на Македонија, изгради парк во населеното место Чанаклија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
