Ване Митев од Василево избран за градинар на годината, на 2 хектара произведува над 200 тони зеленчук

2773

41 годишниот Ване Митев од Василево е избран за градинар на годината на манифестација за Избор на најдобрите и најуспешните земјоделци. Станува збор за традиционална манифестација што четврта година по ред ја организира здружението ,,Современо земјоделство’’ во Битола.  Наградата Митев ја доби за неговиот  ентузијазам, вложен труд, постигнати резултати со приноси од зеленчук но и желбата за осовременување на градинарското производство и покрај несигурниот пласман.

,,Ова награда многу ми значи и сметам дека таа е дополнителна мотивација и охрабрување и понатаму да се посветам на градинарството. Преставува поддршка за мене и моето семејство, па и за псите земјоделци и онатаму да продолжат неуморно да работат и произведуваат, бидејки да се биде земјоделец во денешно време е навистина голем успех,, ни изјави Митев

Ване Митев со земјоделство се занимава околу 20 години и смета дека со добро организирана и планска работа, примена на современи методи на одгледување и заштита и изнаоѓање на сигурни партнери за пласман, може да се егзистира од ова дејност. Поседува околу 20 декари земјиште и одгледува разновиден зеленчук. Годишно произведува над 200 тони зеленчук од кој најмногу краставици. Неговото производство го дели на пролетен есенски и зимски турнус.

,, На околу 4 декари имам засадено краставици. Од април до август произведуваме околу 100 тони краставици. Паралелно одгледувам и пролетна зелка.  Есенско одгледувам црвена зелка, карфиол и црвена пиперка а преку зимата одгледувам марули под оранжерија. Тоа ни е семеен бизнис. Постојано инвестираме во градинарството. Цело семејство работиме,, ни кажа Митев

Ване Митев вели дека и покрај несигурниот пласман нема да се откаже од земјоделството, бидејки за нив тоа е основен извор на егзистенција. Засега не планира да ги зголеми површините под градинарски култури иако во догледно време на ја исклучува и таа можност оти производството на храна на светски размери добива на цена.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.