Валенти: Нè очекува тежок дуел против Гостивар, треба да го повториме одиграното од мечот со Шкендија

238

Брера Струмица ќе го дочека Гостивар во една од прволигашките пресметки во осминафиналето на Купот на Македонија. Екипата од Струмица важи за благ фаворит пред дуелот, меѓутоа формата не ѝ оди од рака.

Во пресрет на натпреварот, своите очекувања ги изнесе тренерот Џовани Валенти. Италијанецот очекува тежок дуел, повика на претпазливост, но и ја повика публиката да го поддржи тимот.

„Знаеме дека Гостивар е одличен тим, го респектираме. Имаат голем број на квалитетни играчи. Нивните напаѓачи се многу добри.  Тие играат многу добро во одбрана и многу е тешко за нас да креираме шанса за да постигнеме гол. Во многу натпревари во лигата имаме висок процент на посед. Имаме шутеви, имаме по 16 пати шута во натпревар, но ниту една чиста шанса за гол. Па, очекуваме да имаме многу тежок натпревар, се надеваме да играме со истиот интензитет како што игравме со Шкендија. Потребен е истиот пристап во однос на емоциите, разумот, но и физичкиот интензитет. Јас мислам дека овој натпревар ќе биде навистина добар за гледање и се надевам дека нашите навивачи ќе дојдат на стадион да нè гледаат“, смета Валенти.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.