Беласица нема да се предаде, желни сме за докажување и кам бек во елитата, вели Стојанов пред третиот круг мечеви

787

Струмичка Беласица утре ги почнува мечевите од третиот круг од Втората Фудбалска лига Исток каде треба да ги потврди своите амбиции а тоа е пласман на првите позиции кои директно или преку бараж носат билет во Првата лига. Прв противник е Детонит Јуниор. Стртегот Александар Стојанов вели дека од утре нема поправен и треба целиот тим да биде фокусиран на приземна, паметна и мудра игра.

Беласица во пролетните три кола не знае за пораз. Славеше во Кочани па на свој терен но и ремизираше кај Победа. За првите две позиции атакуваат и прилепчани и Слога од Виница и Саса.Сите четири тима се со разлика од неполни четири бода

,,Секако дека секој сам си ја крои својата судбина и доколку ние бидеме успешни на тие директни дуели со конкурентите а и секако со екипите од долниот дел на табелата сами ќе си ја скроиме судбината а секако со тоа и ќе ја постигнеме нашата зацртана цел. Кажав во повеќе наврати претходно и сега пак ќе повторам ,оваа Беласица денес составена од млади момци желни за докажување во сениорски фудбал полека го враќа срцето,душата и карактерот што го красеше клубот низ годините , а тоа ветува дека поседува сила и потенцијал да направи повторен кам-бек во елитата а дали ќе биде така ќе видиме на крајот од првенството,, рече Стојанов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.