Беласица гради тим за успех во Втора лига и враќање во елитата, ангажираше дури 11 млади играчи

963

Струмичка Беласица ги финишира подготовките за стартот на новата првенствена сезона во Втората Фудбалска лига, чии натпревари треба да започнат на 28 август. Синобелите ова сезона предводени од стратегот Александар Стојанов ќе имат за цел да покажат и докажат дека Беласица заслужува елитен статус, за што Управата на клубот и стручниот штаб летово донесоа повеќе фудбалери кои треба да го понесат товарот на првиот тим

Стратегот Александар Стојанов вели дека сите 24 фудбалери кои ги има, конкурираат за првиот тим . Станува збор за млада екипа со посечна старост од 20 години и сите играчи ќе добијат шанса да се докажат во синобелиот дрес. Тој е лично задоволен од подготовките. Одиграни се седум наптревари во кои акцент се даде на вооигрување на тимот и вклопување на засилувањата, отколку резултатите.

,,Секој што работи си поставува некоја цел и работи да ја постигне. Нашата цел е секако враќање во Прва лига кад ешто и е местото на Беласица. До таа цел ке одиме чекор по чекор затоа што имаме млад тим на кој што не смее да му се наметне притисок уште од стартото. Се што имаме  ќе зборуваме на теренот а никако претходно’’, ни изјави Стојанов кој инфомрираше дека во сабота против Вардар ќе ја имат последната контролка пред стартот на второлигашката првенствена сезона.

Струмичка Беласица објави дека денес потпиша со уште двајца нови фудбалери кои ќе го облечат синобелиот дрес за натпреварите во Втората македонска фудбалска лига –Исток. Станува збор за Бобан Тасевски и Давид Мирчевски .

Деновиве за струмичкa Беласица потпишаа Васил Крстев, Спасе Терзиев, Петар Гугуљанов  и Иван Николовски.

За време на подготовките струмичка Беласица во својот состав ги донесе и Васко Глигоров, Велин Илиев, Александар Коцев, Стефан Митрев и Христијан Делевски

Натпреварите од Втората лига источно и западно друштво требаше да стартуваат викендов, но последните информации се дека тие се пролонгираат за 28 август. Проблем е што поголем дел од клубовите ја немаат платено котизацијата од 8 илјади евра. Беласица ја подмири својата обврска и подготвена ги чека дуелите од Втората лига Исток каде се смета за еден од фаворитите за освојување на првото место.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.