Асфалтирана улицата „Ѓорге Велков“ во Негорци – Гевгелиско

200

Улицата „Ѓорге Велков“ во населеното место Негорци е целосно реконструирана преку годинашната акција на Општина Гевгелија за подобрување на патната инфраструктура. Жителите на Негорци добија асфалтирана улица по завршувањето на изведбените работи за нејзината изградба. Градоначалникот на општина Гевгелија, Андон Сарамандов, изврши увид во градежните активности, а притоа оствари и средба со негорчани, на којашто го изразија задоволството што и оваа улица добива нов лик и нивното барање е реализирано од локалната самоуправа

,,Вложувањето во развој на сите населени места во општина Гевгелија е наша обврска, истакна градоначалникот Сарамандов при увидот, исполнувајќи го ветувањето кон негорчани за асфалтирање на „Ѓорге Велков“, којашто е густо населена, а со реализацијата на зафатот е решен долгогодишен проблем во одвивањето на сообраќајот. Покрај изградбата на оваа улица, во населеното место Негорци од неодамна беше поставена и нова урбана опрема за деца. Преку Проектот на Општина Гевгелија за поставување урбана опрема за детски игралишта во три населени места, најмалите жители на Негорци добија опремено детско катче, во центарот на населеното место,, соопштија од Општина Гевгелија

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.