Наредниов период треба да биде промовиран новиот музички проект на Александар Ицов од Радовиш кој се снимаше изминатиот месец. Станува збор за музичко шоу во кое Ицов како инструменталист е домаќин а негови гости се Сузана Гавазова, Ѓоко Јовиќ, Анета Љумаковска и Благоја Груевски. Во проектот се поместени вкупно осум песни кои благодарение на Александар кои свири на повеќе народни инструменти, имаат нов призвук а се во интерпретација на веќе докажаните Гавазоа, Груевски, Анета и Јовиќ.
,, Тоа се песни кои сите ги пееме. Во проектот се Бисер Балкански, Да ми пукнеш мила мамо, Кога тргнав Цвето, Еј Пирине, Слушни ме мајко стара, Фати се Бое, Ој невесте и песната Низ рамни двори шеташе. Благодараност до моите колеги Сузана Гавазова, Анета Љумаковска, Благоја Груевски и Ѓоко Јовиќ кои со своите вокали ја надополнуваат убавината на македонската песна,, вели Ицов за Дрнка.МК
Александар Ицов од Радовиш свири на повеќе народни инструменти. Освен на хармоника свири и на гајда, зурла кој честопати знае да даде музички аранжман на одредено дело со народните инструменти. Тој е и професор по музичко а зад се има и повеќе албуми.(В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
