Одбојкарите на Џио Струмица ја сефтосаа салата Парк со победа. Го совладаа скопски Вардар кој немаше сила за никаква неизвесност во мечот, во кој доминираа домаќините како играчки така и резултатски. Струмичките одбојкари славеа со 3:0 во сетови (25:15, 25:19, 25:17) и се зацврстија на првата позиција од каде ќе ја почнат плеј офф пресметката за освојување на шампионската титула
Сепак погледите на струмичани се свртени за првиот полуфинален Куп натпревар со кичевска Шутова. Дуелот ќе се одигра во среда во салата Парк каде струмичани ќе ги одиграт сите дуели до крајот на сезоната. Овој натпревар е од огромна важност бидејки победникот ќе биде најблиску до Куп титулата имајки во предвид дека се соочуваат двете најдобри екипи оваа пролет
Од ОК Џио Струмица информираа дека дуелот е закажен во 19 часот и повикаа на подршка од трибините која ќе биде од исклучителна важност против кичевчани, кои пролетва донесоа многу странци во своите редови и атакуваат на двојната титула
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
