Триото Хасанов, Шајкаров и Цветков како тим ,,Бисер’’ – Струмица се победници на седмото издание на ,, Street basket’’ турнирот што се оддржа во населеното место Владевци, општина Василево по повод празникот ,,Богородица’’. Тие во финалето го совладаа тимот на ,, Книжарница 5 плус’’ и го освоија победничкиот пехар кој им го врачи претседателот на Советот на општина Василево – Крсте Панев.
Третото место им припадна на кошаркарите ,,Автопарк Ване’’ од Владевци кои во малото финале беа подобри од тимот на Босилово.
На турнирот во Владевци учествуваа десет екипи од струмичко но и од Гевгелија. Се играше по системот секој со секој во двете групи а најдобрите разигруваа за пласманот од прво до четврто место.
Наградниот фонд на турнирот беше 50 илјади денари а парична награда доби и Јован Ристов кој беше прогласен за најдобар играч од екипата на „Автопарк Ване“ и Петре Цветков како најефикасен во натпреварот во фрлање тројки.
(Победничкиот тим Бисер од Струмица)
( Тимот на Книжарница 5 плус – второпласираниот тим)
( Тимот на Автопарк Ване Владевци – трети на турнирот)
(Тимот на Босилово кој го освои четвртото место)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
