Општина Струмица монтираше шест нови мерни станици кои ќе го мери и лови аерозагаедноста во Струмица и Куклиш. Како што кажа градоначалникот Петар Јанков новите мерни станици се поставени во Индустриска зона Север, Во ООУ „Видео Подгорец“, потоа една има кај СОУ „Јане Сандански“, една во непосредна близина на Црквата „СВ 15 Тивериополски Свештеномаченици , потоа кај Бензинската Макпетрол на излезот од Струмица кон Валандово и кај училиштето “Даме Груев“ во Куклиш.
,, Податоците ќе бидат достапни до јавноста на веб платформате Strumica Air. Освен граѓаните, увид секако дека ќе имат и институциите кои ќе реагираат и интервенираат при зголемени вредности“, кажа градоначалникот Петар Јанков кој подвлече дека изминатиов период биле монтирани и 8 прочистувачи на воздухот во градинките и училишта во Општина Струмица благодарение на Владата.
Договорот за набавка на новите шест мерни станици на Општина Струмица го доби скопската фирма „Смарт Флоу“. Вредноста на Договорот изнесува 999 401 денар односно околу 16 илјади евра. Со ова Локалната мрежа за мерење на загаденоста на воздухот во Струмица ќе брои вкупно 12 станици.
Ланибеа монриани шест мерни станици. Тие се поставени во непосредна близина на детската градинка Виножито, основните училишта Маршал Тито и Никола Вапцаров, средното училиште Никола Карев, на влезот во Струмица од кај Радовиш и во индустриската зона Мало стопанство. Лани овие шест мерни станици чинеа околу 13 илјади евра а беа набавени од Ист Нетворк од Кочани.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
