Пуштена во употреба новата спортска сала во ООУ „Маршал Тито“ во струмичко Муртино (видео)

582

Градоначалникот на Струмица Костадин Костадинов и министерот за образование Јетон Шаќири денеска ја ставија во функција новата училишна спортска сала во Муртино. Станува збор за модерен објект од 650 квадратни метри кој е целосно опремен за повеќе спортови како одбојка, ракомет, фудбал, кошарка, пинг понг и гимнастика. Средствата за изградб ана спортската сала во ООУ Маршал Тито во Струмица ги обезбеди  Министерството за образование и наука во висина од  23,5 милиони денари а во изградбата учествуваше и Општина Струмица со навремено и квалитетно завршени обврски во износ од над 700.000 денари.

,,Изградена по најсовремени стандарди на површина од 650 метри квадратни, салата обезбедува квалитетни услови за реализација на часовите по физичко образование и тоа не само за учениците од Муртино, туку и од населените места Сачево, Банско и Габрово, или вкупно за 465 ученици. Оваа и новата сала во ООУ „Сандо Масев“ се плод на одличната соработка со министерот за образование којашто ќе продолжи и понатаму, а ние го заокружуваме ветувањето дека оваа ќе биде година на инвестиции во спортот.,, објави градоначалникот Костадинов

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.