Објавена програмата за „Струмичкиот карневал 2023“ кој ќе се одржи од 22 февруари до 1 март

1962

Организациониот одбор на струмичкиот карневал, ја објави Програмaта за годинашново издание. Карневалските денови почнуваат на 22 февруари кога клучот на градот од страна на градоначалникот ќе биде доделен на карневалистите по што ќе има изложба на маски на СОУ Никола Карев. Следниот ден музичкото училиште ќе има концерт под маски а ќе бидат објавени и наградените литературни  творби на тема струмички карневал.

Во петок на 24 февруари ќе се избира принц и принцеза за големото карневалско дефиле кое ќе биде во сабота на 25 ти февруари од булеварот Маршал Тито до плоштадот Гоце Делчев. Дефилето ќе започне во 18 часот и 30 минути а следниот ден на Прочка во недела ќе биде детскиот карневал

На Чист Понеделник  карневалските празнувања продолжуваат со варење и консумирање на традицоналниот бел грав, а ќе бидат објавени и резултатите за најуспешните маски од интернационалната карневалска вечер. Во НУЦК „Антон Панов“ во Струмица ќе биде отворена и традиционалната изложба на карикатури и афоризми и ќе бидат доделени наградите на најуспешните.

Претпоследниот ден е резервиран за Карневалско корзо и доделување на наградите од Интернационалната карневалска вечер а карневалот завршува на 1 март со организирање Тримерски ручек и настап на Распеани струмичани, како и враќање на клучот од градот на градоначалникот од страна на карневалистите

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.