Здружението „Проагро фармери“ кои го организираше Агро саемот во Струмица 2023 ги прогласи најдобрите градинари за оваа година кои на распишан Јавен повик се пријавија со годинашниве произведени количини. Признанија им беа доделени на тројца земјоделци и тоа Борче Ристов од Куклиш, Мите Манев од Робово и Сашко Пандев од Банско.
40 годишниот Борче Ристов годинава има 15 декари под домати при што има произведено околу 120 тони домати. Првите количини ги собира веќе во април. Домати произведува и преку есента со род кој тежи околу 45 тони. Ристов од Куклиш произведува и околу 40 тони куртовска капција и околу 25 тони зелка.
Признание му беше доделено и на 53 годишниот Мите Манев од Робово. Годишно произведува околу 60 тони куртовска капија, 90 тони зелка и околу 45 тони цвекло. Сето тоа го произведува на околу 6 хектари обработливо земјиште.
Во најдобрите градинари според Проагро фармери влезе и Сашко Пандев од Банско кој на 16 декари под пластеници произведува околу 100 тони лути пиперки со оглед дека секоја сезона сади по околу 80 илјади корени. (В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
