Одбојкарките на ОК Наковски волеј пред своја публика славеа со 3:1 (25:16, 25:13, 23:25, 25:19) во третиот финален меч од плеј-офот во домашното првенство во женска конкуренција против екипата на Работнички од Скопје. Со оваа победа, струмичанки поведоа со 2:1 во серијата и им недостасува само победа за да ја освојат шампионската титула.
Струмичкиот состав имаше контрола над случувањата на теренот во најголем дел од мечот, дури имаше шанса и со максимален резултат да го добие натпреварот, со оглед на тоа дека водеше со 23:20 во третиот сет. Но Работнички имаше одлична серија од 0-5 во завршницата на тој период од играта и се избори за пресврт (23:25) и четврти сет каде струмичанки повторно доминираа
Долдурова со 19 поени, Марковиќ со 15 и Ковачевиќ со 12, односно Милева со 11 поени да дојде до победата.Во редовите на скопскиот состав Стојанова со 12 и Милевска со 11 поени беа најрасположени.
Четвртиот натпревар од финалната серија се игра в петок, од 18 часот, во СЦ „Борис Трајковски“ во Скопје.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
