Кадетите на Академија Пандев ги добија ривалите за престижниот турнир во Златибор кој ќе се емитува на Спорт клуб

2102

Кадетскиот состав на Академија Пандев (фудбалери родени 2005) од утре 5 ти јуни ќе земат учество на реномираниот турнир „КУП ПРИЈАТЕЛСТВА“ кој ќе се одржи во Златибор во Србија.  Надежите на струмичкиот прволигаш се во групата Д каде за противници ќе ги имаат екипите на Војводина и Сараево. Тимот предводен од Мартин Алаѓозовски и Тони Атанасов утре треба да стаса во Златибор каде ќе биде и Борче Постолов а веќе од вторник да ги почнат мечевите, прво со Војводина а потоа со Сараево.

Вкупно 12 екипи поделени во четири групи во наредните денови ќе се докажуваат на терените во Златибор. Прв противник на струмичките млади фудбалер ќе бидат кадетите на Војводина кои лани го освоија турнирот совладувајки го Динамо од Загреб на пенали. Првите две екипи од секоја група обезбедуваат пласман во четвртфиналето.

Лани пандевци беа во групата со Сараево и Динамо и го освоија второто место. За пласман во полуфиналето немаа среќа. На пенали беа совладени од Црвена Ѕвезда откако регуларниот дел заврши 1:1.

Инаку  натпреварите ќе бидат пренесувани и на Спорт клуб. Мечот Војводина – Академија Пандев ќе се игра во вторник во 11 часот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.