Изграден одводниот канал во Моноспитово, Манчев бетонски канали најави и во Босилово и Бориево

1727

Заврши изградбата на бетонскиот одводен канал во Моноспитово во должина од 500 метри со кој ќе се решава проблемот со одведување на атмосферските води од ова населено место . Станува збор за проект кој чинеше 73,4 илјади евра кој општина Босилово го реализираше со средства од Министерството за локална самоуправа.

,,Изградбата на големиот одводен канал во Моноспитово заврши. Овој зафат беше долгогодишно барање на граѓаните од Моноспитово. Во втора фаза, следи чистење на другиот дел од каналот и уредување на просторот околу каналот,, објави градоначалникот на Босилово Ристо Манчев

Градоначалникот Манчев неодамна соопшти дека се обезбедени средства за изградба на одводни канали и во општинскиот центар Босилово но и во населеленото место Бориево. Станува збор за канали за чија реализација  општина Босилово имала аплицирано на Програмата за прекугранична соработка со соседна Бугарија заедно со општина Грмен – проект кој беше на листата за чекање но и од сопствени средства

Во Босилово ќе се гради одводен канал во должина од 500 метри од старата полициска зграда до Сува река а во Бориево бетонски одводен канал во центарот на село во должина од околу 200 метри .

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.