Околу 150 планинари, велосипедисти, рекреативци и ученици беа дел од планинарската акција што ја организира ЗПСК Кожуф од Гевгелија по повод јубилејот 70 години постоење на овој планинарски клуб. Ова акција требаше да се одржи летово но заради лошо време се одложи во септемеври иако повторно временските услови не беа во прилог на сите учесници. Станува збор за рута Аџибарица – врв К92 2112м. – Марково Езеро – Аџибарица и еден дел до врв Момина Чука. И покрај лошите временски услови – ниските температури, силен ветар и магла, добар дел од планинарите се качија до езерото и се вратија односно ја поминаа предвидената рута.
На ова планинарска акција учествуваа членови од ГТК Гевгелија Точак Клуб, ПСД Фри Хајкерс Неготино, КПС Азот Велес, СРСП Убај Деца Велес, ЕПД Картуш Прилеп, Фитнес Студио Лејди Фит Прилеп, ПЕГ Турниме да кинисам Битола, ПАОК Ентузијаст Струмица и ПСК Голак Делчево, а учестуваа и од ОУ Климент Охридски Миравци.
,,Од Марково Езеро според планот требаше да се упатиме кон врв Момина Чука но поради лошите временски услови во координација со Претседателите и водичите на останатите Клубови се донесе одлука да се спуштиме назад на Аџибарица каде не чекаше превозот. Откако акциите завршија сите учесници се упатија во нашиот Планинарски Дом каде следеше заедничка дружба и ручек приготвен од нашиот Клуб како организатор на оваа акција. На оваа наша планинарска акција секој учесник над 18г. плаќаше котизација со што добиваше пакетче со маица на која е отпечатено логото 70г. ЗПСК КОЖУФ, флаер со мал историјат на Клубот, налепница и енергетски бар, додека сите млади учесници под 18 години добија бесплатни пакетчиња од нашиот клуб,, информираа од ЗПСК Кожуф Гевгелија.
Јубилејот и планинската акција имаше и хуманитарен карактер. Собраните средства (14.000ден.) од котизација како и средствата донирани во поставената кутија во домот, ќе се доделат на Емилија од Гевгелија со цел да се помогне во изнаоѓањето дијагноза за нејзиниот здравствен проблем.
ЗПСК Кожуф кој е формиран во далечната 1952 е секогаш со младите, се залага за нивно активно вклучување во природата и запознавање со планинарството. Како клуб имаат соработка со сите основни и средни училишта и на секоја поголема акција која ја организираат на Кожуф планина, се поканети младите и ги спонзорираат во делот на превозот и храната се со цел да се мотивираат младите и помасовно да излегуваат во природа.
За целиот настан проследен со фотографии, повеќе можете да видите ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
