Пет лица вмешани во нападот на струмичкиот полициски службеник во населеното место Баница кој се случи завчеравечер заработија притвор од 30 дена. За нив како и за останатите напаѓачи од Баница и Градско Балдовци за кои полицијата поднесе кривични пријава отворена е истражна постапка за напад врз службено лице при вршење на работа за безбедност, соопшти Јавното обвинителство во Струмица.
Тие во петокот навечер околу 23 часот според МВР насилно запреле полициско возило управувано од полицискиот службеник по што најнапред со дрвени, бетонски и метални предмети удирале по возилото а потоа и физички го нападнале полицаецот.
За инцидентот реагираше и Независниот синдикат на полицијата кој побара строги казни за сторителите.
,,Ги прашуваме сите надлежни институции во државата, уште колку напади врз полициски службеници треба да се случат и дали треба да чекаме некој полициски службеник да загине пред да се преземат мерки против оваа сериозна и зачестена појава. Дали Министерството ќе му пружи поддршка и ќе ги покрие трошоците за лекувањето со оглед на тоа дека од Август 2022 година не се уплаќа колективното осигурување?,, стои во реакцијата на синдикатот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
