„Аполонија“ донираше нов современ дигитален кардиограф во гевгелиската болница

1768

Гевгелиската болница доби современ дигитален кардиограф од казиното Аполонија. Станува збор за апарат кој ќе биде во функција за навремено дијагностицирање на кардиоваскуларни болести. Веста ја објави градоначалникот на Гевгелија Андон Сарамандов кој упати благодарност до Аполонија

,,Денес ја посетив Општата болница во Гевгелија, каде во присуство на директорот на Општата болница со проширена дејност, др. Митко Крџев, директорката Зорица Маркова и сопственичката на казино „Аполонија“ од Гевгелија, Ингела Клинг се изврши примопредавањето на новиот современ дигитален кардиограф, кој е донација од казино „Аполонија“. Овој современ апарат ќе биде во функција за навремено дијагностицирање на кардиоваскуларни болести.Сакам да се заблагодарам на казино „Аполонија“ кои како општествено одговорна компанија, постојано го даваат својот придонес за подобрување на квалитетот на живот во секој сегмент на граѓаните во општина Гевгелија,, напиша Сарамандов

Директорот на Фондацијата, Аце Ристовски, на примопредавањето истакна дека „Аполонија“ како општествено-одговорна компанија дава свој придонес и поддршка во сите сфери на општествено-економското живеење, во здравството, образованието, културата, социјалната заштита и заштитата на животната средина. Водејќи се под мотото на Владимир Ралев со потекло од Гевгелија дека таму каде една компанија создава профит, таа има морална обврска да помага на локалната заедница.

Својата благодарност за донацијата ја истакна и директорот на Општата болница со проширена дејност- Гевгелија, д-р Митко Крџев, кој нагласи дека овој современ електрокардиограф (ЕКГ апарат) ќе придонесе во дијагностицирањето на кардиолошки заболувања.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.