Одбојкарите на Џио Струмица со победа го стартуваа новото првенство. Во спортската сала Парк согласно протоколите од Владата, без публика, лесно ја надиграа тетовска Лирија со 3:0 во сетови. Гостите беа рамноправни само во првиот сет во кој постигнаа 19 поени но во следните два струмичани ги оставија на освоени 11 односно 13 поени. (25:19, 25:11, 25:13)
Викендов струмички Џио ги продолжува мечевите од Првата лига. Во рамките на 2 коло му гостуваат на Весна Пробиштип која пак во првото коло беше убедлива против Јанта од Скопје. Ова сезона Првата одбојкарска лига на Македонија брои 10 екипи и по првиот круг мечеви најдобрите 6 тима влегуваат во втората фаза за титулата.
Џио Струмица ова сезона освен во домашниот шампионат ќе игра и европскиот ЦЕВ Куп. Идниот месец во Кипар ќе ги одигра двата меча против Омонија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
