ЈП Плаваја Радовиш: Втор викенд вандали ги корнат корпите за отпадоци кај ,,Марди’’, снимени се од надзорни камери

729

ЈП Плаваја од Радовиш на својата официјална ФБ страна објави дека корпите за отпадоци во детското одмаралиште кај Марди повторно се откорнати од страна на непознати лица. Осудувајки го вандалскиот чин од Плаваја апелираат до граѓаните да ја чуваат урбаната опрема а со тоа и чистата животна средина. Како што стои во објавата вандалите биле снимени од надзорни камери и ќе бидат пријавени на органите на прогонот заради нанесување на штети на општествен имот

,,На локација на детското игралиште кај “Марди” веќе втор викенд се случува вандализам кон корпите за смет кои се уредно поставени заедно со другата урбана опрема. Вандалите со примена на сила ги корнат заедно со бетонските фундаменти.

Лоша слика која се повторува веќе втор викенд. Ние пак ќе ги фиксираме корпите, децата пак ќе си играат, но вие вандалите ќе се срамите. Ќе се срамите затоа што сте снимени од околните надзорни камери и ќе бидете пријавени на органите на прогон, заради нанесување на штета на општествен имот,, стои во објавата на ФБ од радовишкото ЈП Плаваја

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.