Јагнињата од Југоистокот останаа непродадени пред Велигден, сточарите реагираат и на ниските откупни цени

1814

Сточарите од струмичко Самуилово на мака, бидејки јагнињата им останаа неоткупени  а немаат услови и можности да ги прошират своите стада. Петре Митрев кој со семејството одгледува околу 150 овци вели дека само една третина од јагнињата ги продал додека останатите му останале и никој не сака да му ги купи,  бидејки нивната тежина достигнала над 30 килограми.  Тврди дека до лани пред Велигден доаѓале трговци во ова подогражденско село, но годинава заради коронакризата никој ниту дошол, ниту прашал за млади јагниња а тие што доаѓале сакале со мала тежина.

,, Сакаат јагниња од 20 до 25 килограми и тоа по цена од 100 денари по килограм жива мера. Но за жал никој не откупува во големи колични. Секоја година  исти се проблемите но годинава посебно. Лани се откупуваа по 130 денари за килограм, но сега  не само што е пониска цената туку и нема кој да ги купи. Дали е заради ова криза или немање интерес незнаеме, но вака неможе да се развива сточарството. Јас лично не сум во можност да го прошируваме стадото со нови грла, оти немам веќе сила,, вели 62 годишниот Петар кој го изнесуваше стадото на паша во подбеласичкиот регион.

Неговиот проблем го делат и останатите сточари од струмичко. Блажо Јанков од истото село кој подигнал дури и мини фарма вели дека над 50 тина  јагниња веќе никој не сака да му ги купи оти надминале над 30 тина килограми. Според него сточарството станува се понеисплатлива дејност

,, Ќе ги чувам за Бајрам и тогаш ќе ги продавам. Што да правиме. Од овдешните кланици никој не сака јагниња со ова тежина, па мора да ги чуваме иако немаме многу можности. Нема трговци ниту од Скопје, Тетово како што беше до лани. Ова ќе биде една од најтешките години за овчарите’’, ни изјави Јанков

Заради пандемијата со коронавирус, годинава тешко оди извозот на јагнешко од земјава. За да им помогне на сточарите, Владата на една од последните седници донесе одлука да ја зголеми вкупната поддршка на 2500 денари за задржано женско јагне.

Самуилово важи за најсточарското село во струмичкиот регион иако последниве години и таму бројката на сточари и фондот на грла е значителнот е опаднат. Ако до пред 5 години овде се одгледувале над 3000 овци. годинава како што тврдат жителите од ова село едвај има околу илјада грла.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.