Ќе играм уште една година, сакам кариерата да ја завршам со настап на Македонија на ЕП, вели Пандев кој ја одбил понудата од Интер

1990

Струмичкиот фудбалски интернационалец и капитен на македонската сениорска селекција Горан Пандев кој од 10 март е дома заради пандемијата со коронавирусот ја пролонгира одлуката за крај на кариерата. Тој сака кариерата да ја заврши со настап на Европско првенство во дресот на Македонија за што репрезентацијата е на чекор и ја делат два меча преку Лигата на Нации. Поради пандемијата УЕФА го одложи ЕП за наредната година, а баражите преку кои Македонија ќе се обиде да избори пласман на континенталниот шампионат ќе се играат во септември.

„Мојот сон е да ја завршам кариерата со настап на Македонија на следното ЕП. Поради тоа би сакал да продолжам да играм уште една година  и да се избориме за толку посакуваното евро натпреварување. Тоа е мојот сон “, изјави Пандев за за ТВ 24 кој најверојатно ќе остане уште една сезона за Џенова

Во интервјуто пак за италијанскиот Скај спорт 37 годишниот играч на Џенова откри дека во јануарскиот преоден рок имал понуда да се врати во Интер, шест месеци да биде играч, а потоа да седне во директорска фотелја, но тој ја одбил  со намера да остане во Џенова.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.