ФФМ го суспендираше на две години ОФС Струмица кој лани за делегат го избра Горан Пандев

1270

Фудбалската федерација на Македонија го суспендираа Општинскиот фудбалски сојуз (ОФС) Струмица на период од две години и тоа поради, наводно, грубо кршење на одредбите на Статутот на ФФМ. Во соопштението од ФФМ конкретно не е објаснето  за кои одредби од Статутот .Станува збор за општински сојуз кој лани во март на годишно собрание го избра Горан Пандев за делегат во ФФМ.

,,Фудбалските клубови-членки на овој ОФС продолжуваат со натпреварувањето во тековното првенство во истиот ранг на натпреварување каде што се натпреварувале пред носење на оваа одлука, а во сезоната 2024/25 во рангот каде оствариле пласман.Членовите на суспендираната членка нема да трпат спортски последици од изречената суспензија односно: Фудбалските судии и контролори, членови на ОФС Струмица продолжуваат со активно вршење на функцијата на листите каде тековно се наоѓаат согласно правилата за судии и судење,, стои во соопштението од куќата на фудбалот

До носење на наредна одлука од страна на ФФМ, Комисијата за регистрација на ОФС Штип ќе ги извршува сите активности согласно своите надлежности и за клубовите и фудбалерите членови на ОФС Струмица.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.