Фото: Струмичките гимназијалци повторно блеснаа со Божиќниот концерт – ,,Деценија’’ ја посветија за лекување на Стојче

290

Годинашново издание на традиционалниот хуманитарен Новогодишно-Божиќен концерт на СОУ ,,Јане Сандански’’ од Струмица ги оправда очекувањата. Насловен како ,,Деценија’’ на сцената на Центарот за култура околу 90 поранешни и сегашни ученици од ова училиште, повторно ги обединија надежите дека преку песна и хуманост може и треба  да се помога.

Тие свиреа и пееа песни од 10 годишниот развој на овој музичко хуманитарен спектакл кој се одржува секоја година во пресрет на Божиќните празници. Младите музичари од СОУ ,,Јане Сандански’’ уште еднаш докажаа дека ако се сака и работи може да се опстои во намерата за време на празниците да се спои музиката и хуманоста

Собраните пари од влезниците од овој концертсо две изданија ќе бидат наменети за лекување на 21-годишниот Стојче Јовановски, а дел од нив за збогатување со инструменти на Кабинетот по музика во СОУ „Јане Сандански“.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.