Општина Струмица заедно со ЈПКД ,,Комуналец“ ги сменија старите дотраени знамиња на плоштадот во Струмица каде со години се веат 30 знамиња. Како што објавија општинските служби заменети се сите знамиња.
„Ликот на градот треба постојано да се одржува, особено на места каде се одвиваат најзначајните настани и каде минуваат голем број граѓани и туристи. Затоа денес заедно со ЈПКД „Комуналец“, ЈП ,,Паркиралишта” и ТППЕ се изврши замена на старите и дотраени знамиња на градскиот плоштад „Гоце Делчев“, знамиња кои го симболизираат стремежот на Струмица за Европска Македонија .“, објави градоначалникот Петар Јанков
30 те знамиња беа поставени по повод одбележувањето на Денот на Европа во 2007 година. Освен на 27 те на земји членки на ЕУ, на плоштадот во Струмица поставени се и знамето на Македонија, ЕУ и на Општина Струмица.
„Струмица нека биде предвесник на нашата блиска Европска иднина“ кажа на поставувањето на 30 те знамиња на струмичкиот плоштад, тогашниот прв човек на општината Зоран Заев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
