Фото – Ликовни уметници од земјава и странство творат во комплексот Св. Георгија во радовишко Ораовица

432

Над 20 ликовни уметници од земјата и странство се собраа во манастирскиот комплекс „Св. Георгија“ во радовишкото село Ораовица каде творат во рамките на четвртата традиционална меѓународна ликовна колонија „Св. Георгија 2019“ која е во дел од програмата на јубилејот „1000 ГОДИНИ РАДОВИШ“. Колонијата во Ораовица ќе трае до 16 јуни а свечено беше отворена во Центарот за култура ,,Ацо Караманов“ кога беше отворена изложбата на познатата македонска академска сликарка Андријана Мациев, за која зборуваше поетот Борче Панов истакнувајќи дека се работи за врвен графичар.

Од странство учествуваат уметниците: Махпејкев Јунсел и Нурхан Јунсел од Турција, Олга Панкина и Ирина Черњавски Шантиќ од Русија, Динко Ненов, Теодора Петрова, Стојан Лазаров и Данчо Глигоров од Бугарија, Иван Вања Милановиќ од Србија. Од нашата земја своите ликовни креации во рамките на колонијата  ги создаваат академските сликари: Миќи Трендафиловски, Христина Стојчевска, Драги Хаџиниколов, Горан Боев, Новица Трајковски и Андријана Мациев како и уметниците од ДЛУР РАДА од Радовиш: Коцев Душан, Тарабунов Крсте, Крстев Маријан и Поцева Зорица.

Сите тие работата на слободни теми во маслена техника на платно, акрилна техника на платно, како и во комбинирана техника акрил и масло. Нив ги посети градоначалникот на општина Радовиш Герасим Конзулов кои се покровители на ликовната колонија

Делата што ќе ги создадат премиерно ќе бидат изложени на 6 ноември, Денот на ослободувањето на Радовиш – вели Душан Коцев, претседател на Здружението на ликовни уметници РАДА од Радовиш и претседател на организацискиот одбор на Колонијата.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.