Фондацијата Заев донираше амбулантно возило на струмичката болница (фото)

1694

Фондацијата ,,Заев – Едно општество за сите“ донираше амублантно возило за потребите на струмичката болница. Клучевите од возилото на директорката на ЈЗУ Општа Болница Струмица – Катерина Кузмановска, ги предаде поранешниот премиер  екс министерот за здравство Венко Филипче кој во изјава за медиумите потенцираше  дека Фондацијата и во иднина ќе биде партнер на здравствените институции во земјава.

,, Ова е трето возило за итна медицинска помош што го донира Фондацијата со семејството Заеви. Освен во тој дел на опрема, како Фондација работиме и на поддршка на млади лектари. Изминатиот период пет лекари се пратија на едукација, специјален курс за експериментална хирургија во Стразбур и тој процес ќе продолжи и понатаму согласно реалните потреби“, кажа Венко Филипче

Во струмичката болница во функција се три амбулантни возила за транспрот на пациентите до клиниките во Скопје. Директорката на струмичката болница Катерина Кузмановска се заблагодари на донацијата бидејки овој медицински центар го покрива Југоистокот со околу 130 илјади граѓани.

,,На дневно ниво во нашата болница поминуваат околу 500 пациенти а околу 100 тина се хоспитализирани по одделенијата и ова возило е добредојдено за транспротирање на пациентите до Скопје“, кажа Кузмановска која подвлече дека се чувствува потреба од уште едно амбулантно возило  за потребите на струмичката болница.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.