Уште една титула во ФК Брера Струмица – екипата У 17 на стратегот Борче Постолов се закити со КУП трофејот

401

ФК Брера има одличен потенцијал и Струмица не треба да се плаши за својата фудбалска иднина. По генерацијата У 16, КУП титула освоија и фудбалерите родени 2007 година или екипата У 17. Тие денеска во финалето од КУП натпреварувањето против битолски Пелистер демонстрираа борбеност, дисциплинираност,сигурност.

Регуларниот дел од финалето заврши без победник. Пелистер го отвори резултатот во раната фаза од мечот. Но тоа не ги демотивираше надежите на Брера кои со добри инструкции на стратегот Борче Постолов, отпорот на битолчани го скршија дури во судиското надополнување кога Марио Митев со глава биеше прецизно за 1:1.

И во пенал рулетот  фудбалерите на БРЕРА презентираа зрелост. Ѓорги Танчев, Игро Ристов и Каменчо Андоновски стрелаа прецизно додека голман Давид Илоски успеа да одбрани три пенали што резултираше со 3:1 за освојување на КУП пехарот

,, Горд сум на своите момците бидејки не се откажаа денеска на финалето и демонстрираа  борбен дух, докажувајки дека фудбалот се игра до последниот свиреж на судијата. Во пенал рулетот секако дека имавме и среќа но го имавме и одличниот голман Давид Илоски. Дефинитивно ова е потврда дека Брера Струмица има одличен потенцијал и најдобра младинска школа која понесе две Шампионски и две КУП титули,, кажа Борче Постолов

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.