Ученици од СОУ „Димитар Влахов“ на струмичани мереа притисток, гликоза, ги масираа и нудеа фармацевтски продукти (ФОТО)

1353

Идните здравствени работници – учениците од Димитар Влахов во Струмица го одбележаа престојниот  празник 7 Април ден Светскиот Ден на здравјето. Тие денеска во големиот градски парк ги информираа случајните минувачи за потребата од поголема грижа за сопственото здравје и редовни здравствени прегледи. Како што кажаа на тој начин може навремено да се откријат заболувањата но и поефикасно лечење и третман.

Средношколците со презентација на своите образовни профили, мереа крвен притисок, шеќер во крвта за што беа задолжени учениците од профилот медицинска сестра. Физиотерапевтите масираа и укажуваа на одредени мускулни заболувања и деформитети, додека фармацевтите ги презентираа лековите што ги изработуваат по часовите на практична настава.

Идните здравствени работници ги посети и градначалникот Костадин Костадинов кој им посака успех на средношколците и честитки за професијата што ја одбрале.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.