Утре над 200 изложувачи со производи ќе бидат дел од Агросаемот во Струмица кој ќе има и продажен карактер !

639

Околу 200 изложувачи од земјава и странство ќе бидат дел од третиот „АГРО САЕМ Струмица “ на струмичкиот плоштад што го организира здружението „Проагро фармери“. На посетителите ќе бидат понудени разновидни земјоделски производи, нивни преработки, мед и пчеларски производи како и голема палета на земјоделска опрема, механизација, ѓубрива и заштитни средства

На Агросаемот кој ќе започне во 11 часот, се планира да има и богата културно уметничка програма на која ќе настапат шест ансабли и тоа „Фолклорна низа„ од Струмица „Радовишки етно“ од Радовиш, КУД „Сушевски бисери“ од Сушево , КУД „Гоце Делчев“ од Босилово, КУД „Зија Ѓокалп“ од Конче, ,,Бучим“ од Радовиш, КУД „Гајда“ од Ињево како и ученици од штипското музичко училиште „Сергеј Михалов“ кои ќе понудат музички колаж.

Инаку саемската манифестација ќе биде одлична можност да се зајакне врската и соработката мегу сите чинители во агорсекторот а паралелно ќе бидат доделени и награди за најобрите градинари но и пчелари за квалитетен мед

„Главна цел на саемот е да го промовираме домашното производство, да ја подигнеме свеста за домашно произведената храна и да овозможиме зајакнување на соработката и довербата помеѓу сите кои се вклучени во синџирот на земјоделско производство. Со саемот сакаме да им порачаме на посетителите да купуваат домашни земјоделски производи и да ги поддржиме локалните производители на храна кои можеби се мали по количина на производство, но се големи по квалитет“, вели Борче Јанев од Здружението „ПРОАГРО ФАРМЕРИ“.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.