Почнаа работите за поставување на јавно осветлување на улицата Васил Главинов во Струмица. Таму фирмата ,,Електрика,, од Кочани која го доби тендерот распишан од ЈП ,,Паркиралишта“ почна со поставување на инсталацијата. На должина од 740 метри ќе бидат подигнати 29 лед светилки од марката KAZU на производителот MINEL SCHREDER со што жителите од овој дел на градот кончено ќе добијат улично. Целата инвестиција изнесува 74 597 евра. Според потпишаниот договор работите треба да завршат во рок од 60 дена.
,,Во Струмица и ноќта треба да биде како ден. Поставуваме улично осветлување на улицата „Васил Главинов“ во должина од 740 метри.Овој простор ќе биде осветлен со вкупно 29 нови ЛЕД светилки за урбано и амбиентално осветлување.За овој зафат издвоивме 4,5 милиони денари од општинскиот буџет. Струмица се сака со дела, а за нив се работи од срцe,, објави градоначалникот на Струмица Коста Костадинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
