Тунџај Туна Шавлев формираше нов музички бенд и направи одлично едночасовно музичко шоу на ИН ТВ (видео)

883

Деновиве и официјално се промовираше новиот музички бенд од Струмица, формиран на иницијатива на Тунџај Туна Шавлев кој ќе функционира како ,,Туна Бенд’’. Својата промоција ја имаа на ИН ТВ каде направија одлично едночасовно музичко шоу, презентирајки ја компактоста и сите можности како бенд составен од музички порфесионалци, кои се добро познати на македонската музичка сцена со долгогодишно искуство.

Инаку овој тим при крајот на месец април имаа промоција на онлајн преработката на легендарната песна ,,Во Струмица на улица’’ кои ја направија во карантински услови и токму тогаш, како што ни изјави Тунџај се родила идејата да бидат бенд кој на македонската фолк сцена ќе понудат многу музички хитови.

На шоуто на ИНТВ насловено како ,,Туна бенд и Никола Станишиќ’’ се преставија со поголем број македонски песни а како гости им беа Анета Мицевска и Ѓоко Јовиќ кои им посакаа многу успех. Инаку новиот музички состав веќе имат снимено неколку музички проекти а наскоро најавуваат и песна со видео запис

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.