Трагедија во гевгелиско Негорци кое го зафати силно невреме – тинејџер загина од удар на гром

1239

Трагедија се случи денеска во гевгелиското населено место Негорци, каде попладнево имаше силно невреме. Гром удри во тинејџер, кој починал на лице место. Настанот го потврдија и од МВР. Од таму велат дека трагедијата се случила во атарот на селото Негорци, каде момчето напасувало добиток. Смртта ја потврдил лекар од Итната медицинска помош на Гевгелија кој констатирал изгореници по телото, најверојатно од гром.

Инцидентот во Одделението за внатрешни работи е пријавен во 15 часот и 30 минути по што на лице место излегла увидна екипа од полицијата а по наредба на јавен обвинител телото било дадено на обдукција за да се утврдат и официјално причините за смртта.

Неофицијално станува збор за 17 годишно момче кое  ја изнел стоката на паша во атарот на селото Негорци  по што се случило и невремето проследено со громови кој биле кобни за тинејџерот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.