Струмичка фирма ќе врши санација и замена на оштетените гранитни плочи на плоштадот „Гоце Делчев“

602

Струмичката фирма ,,Чамчифлик Голд’’ го доби тендерот за санација и замена на  гранитните плочи на плоштадот ,,Гоце Делчев’’. Општина Струмица деновиве го склучи договорот со ова фирма која треба во наредниов период да ги санира оштетените гранитни плочи на плоштадот во вредност од околу 1,2 милиони денари. За изведување на градежните работи на распишаниот тендер на јавната набавка биле доставени 4 понуди, но фирмата ,,Чамчилик Голд’’ од Струмица доставила најниска цена.

Според техничката спецификација, треба да бидат демонтирани стари и оштетени гранитни плочки и оштетената подлога од околу 600 квадрати. На истата квадратура треба да се монтираат гранитните плочки (сиви и црни) кои беа демонтирани од просторот од кај Уметничката галерија. Станува збор за плочки од околу 260 квадратни метри  но и да се набават и монтираат околу 140 квадрати нови сиви и црни гранитни плочи со димензии пропишани во спецификацијата.

Според договорот изведувањето на овој проект треба да се реализира во рок од 60 дена од воведување на фирматаво работа.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.