Министерството за култура Ирена Стефоска ќе предложи на Влада во наредниот период да се планираат средства за отпочнување на постапка за изградба на Археолошки музеј кој според проекциите би се наоѓал во непосредна близина на археолошкиот локалитет ,,Вардарски рид’’. Стефоска ова го кажа при последната посета на општина Гевгелија каде оствари средба со градоначалнико Сашо Поцков и најави дека ќе покрене иницијатива за реализација на овој проект.
,,Особено еден од клучните проекти за градот и за овој регион е идниот Археолошки музеј. Гевгелија и регионот изобилува со артефакти од праисторијата, од античко време и овој музеј би имал идеална позиција за сите посетители од сите делови на светот кои поминуваат низ коридорот кон Грција да го видат богатството и културните слоеви на нашата земја,, кажа министерката Стефоска
Потребата од изградба на нова музејска постановка е резултат што во Националната установа Музеј Гевгелија има богат движен археолошки материјал пронајден за време на повеќегодишните истражувања на локалитетот Вардарски рид. Во Музејот има околу 11 илјади предмети од првиот милениум пр.н.е.
Директорот на Музејот Бобан Хусеновски со министерката Стефоска разговараа за тековните проблеми со кои се соочува институцијата, меѓу кои и немањето на изложбен простор за богатиот музејски фонд. Тие разговарале и за иницијативата за изградба на нова музејска зграда покрај археолошкиот локалитет Вардарски рид со можност да се трансформира во Археолошки парк.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
