Струмичката болница обезбеди модерна ендоскопска и лапароскопска опрема за потребите на одделот хирургија

250

Струмичката болница соопшти дека е обезбедена нова модерна ендоскопска и лапароскопска опрема за потребите на одделот хирургија и истата е ставена во функција за изведување на  лапараскопски хируршки интервенции.

„Со лапароскопска хирургија се овозможува полесен третман на пациентите со минимални инвазивни третмани, помал губиток на крв, помал ризик од инфекции, полесно опоравување и пократок престој на пациентите во болница, за разлика од отворените хирушки интервенции“, информираа на ФБ ЈЗУ Општа Болница Струmица.

Како што соопштија хирурзите во струмичката болница веќе работатат лапараскопски операции а во следниот период ќе се работи на проширување на експертизата, доедукација на лекарите во лапароскопска хирургија, како и во гинекологија за проширување на видот на оперативните третмани кои досега се работеа во болницата со класични отворени хируршки методи.

Според информацијата од ЈЗУ „Општа Болница“ Струмица кај нив во текот на 2023 година направени се вкупно 1400 операции, од кои околу 300 лапароскопски хируршки интервенции.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.