Струмичани повторно ја покажаа човечноста, на концертот на Фондација ,,Елеуса“ донираа за лекување на Теодосија

602

Околу 210 илјади денари се собрани од хуманитарниот концерт на Фондација Елеуса ,,Звукот на човечноста“ за четиригодишната Теодосија Лазаревска од Куманово на која и се потребни околу 50 илјади евра за лекување во Турција. Струмичани донираа и преку купување билет за концертот но и на пунктот поставен за таа намена и повторно ја покажаа хуманоста да се подаде рака и помогне на лица на кои им се потребни пари за лекување.

На концертот настапија вокално инструменталниот состав „Стихири, бендовите на СОУ „Јане Сандански „Никола Карев“ и „Димитар Влахов“, како и младите од ОМУ ,,Боро Џони“ од Струмица.  Тие на сцената во НУЦК ,,Антон Панов“  преку музика апелираа на хуманост и заедништво што доволно покажуваат и фотографиите објавени од Фондацијата Елеуса.

Теодосија овие денови треба да замине на лекување во Турција, заради тоа е потребно итно да се помогне, за побрзо да отпочне лекувањето. Со навремено обезбедување на средствата  Теодосија побрзо ќе заврши со лекувањето и ќе се врати дома да ужива во детската игра заедно со нејзиното семејство.

За насмевката на Теодосија да продолжи да го краси овој свет можете да донирате со вртење на телефонските броеви:

А1  143 470  или  ТЕЛЕКОМ  143 102

Или на жиро сметка:

НАМЕНСКА СМЕТКА
210-501733077127
ТЕОДОСИЈА ЛАЗАРЕВСКА

ДЕВИЗНА СМЕТКА
IBAN: МК07210501590833417
SWIFT: TUTNMK22
ANETA LAZAREVSKA

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.