Стотина струмичани се јавија на првиот Донаторски кружок на Центарот за истражувања и анализи „Новус“ за да донираат пари за иницијативите што ги покренаа три граѓански здруженија од регионот. Со подигање палки, граѓаните давааа по 500, 1000 и 1500 денари за да може да се реализираат работите што ги покренаа Здруженијата Мобилност од Струмица и ,,Говорот на срцето “ од Босилово како и Велосипедскиот клуб „Актив“.
,,Мобилност“ покрена иницијатива да се соберат средства за да им се поправи комбето со кое се превезуваат лицата со телесен инвалидитет. ,,Говорот на срцето“ побара средства за да се одржат работилници за да им се помогне на родителите кои имаат деца со аутизам, додека ВК „Актив“ покрена иницијатива за проширување на кампингот на Беласица со нова бараки за престој и одмор на рекреативците.
,, Не радува интересот што се јави кај струмичани за донирање. Можеби за некого тоа се малку пари но за здруженијата овие средства им се повеќе од неопходни. Нашата цел беше да направиме мали дела на добрина со кои заеднички може да го подобриме животот во заедницата. Оваа се иницијативи кои дојдоа од граѓанските здруженија. Тие си ги преставија пред граѓаните кои сами одлучуваа каде да донираат. Ќе продолжиме и во иднина да организираме вакви донаторски кружоци оти само со заеднички сили може да се подобрат нештата,, ни изјави Саве Џурновска од Центарот за истражување „Новус“ од Струмица
Беа собрани околу 135 илјади денари. Истите пари ќе одат за трите граѓански иницијативи од кои бенефит би имала целата заедница. Преставниците на здруженијата изразија благодарност и соопштија дека со овие средства ќе можат да ги отпочнат иницијативите а ќе бараат средства од други извори.
,, Капка по капка се полни чашата. Ова е доказ дека граѓаните треба да размислуваат и за заедницата да си подадеме рака и да упатиме порака дека си требаме едни на други. Не е важнно колку донирав, туку важно е што граѓаните се мобилизираат си помагаат да се решат одредени потреби“, ни изјави Марија
Донаторскиот кружок ЦИА „Новус“ во Струмица го реализираше во соработка со „Конект“ која веќе пет години се обидува да ја воведе филантропијата како нов начин на заедничко вложување во локални инисијативи и проекти.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
