Најмладиот тим на ШК ,,Цареви Кули” од Струмица во состав Мартин Гоцев, Јован Вукашиновиќ, Трајче Карадакоски и Мартин Велков го освоија второто место на “Екипното првенство на Македонија за млади 2022”. Станува збор за тим за деца до 8 годишна возраст кои на првенството како што објавија од клубот покажале мудрост и знаење на шаховските табли. Тие второто место го освоија без пораз. Екипно добија 4 партии против тимовите на Алкалоид, Прилеп, Центар и Куманово а ремизираа со тимовите на Капабланка и Гамбит Ассеко тим кој го освои првото место.
,,За прв пат од оформувањето на нашиот клуб учествуваме на ваков настан. Нашите најмлади играчи покажаа вистински талент, единство и борбеност, победувајќи ги екипите на повеќе реномирани школи во државава, и беа блиску до освојувањето на првото место, без нити еден загубен меч. Клубот вистински се гордее со овој успех и затоа се заблагодарува на сите деца кои беа и се дел од школата, нивните родители и најблиски, но и учителите и колегите кои пожртвувано придонесоа кон овој заедички успех.,, стои во објавата на ШК Цареви Кули
Екипното првенство беше во организација на Шаховската Федерација на Македонија во просториите ПСУ „Јахја Кемал“ во Скопје.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
