Струмица заслужува фудбалски трофеј, ќе дадеме се од себе – велат од Академија Пандев која во Скопје ќе игра за КУП титула

852

Фудбалерите на Академија Пандев утре против Македонија ЃП го игра првото КУП финале во својата историја. Мечот се игра на националната арена Тодор Проески во Скопје со почеток во 18 часот и 30 минути каде пандевци ќе се обидат да го донесат првиот фудбалски трофеј во Струмица.

,,Македонија ЃП заслужува тотален респект, се работи за тим кој игра отворен и допадлив фудбал. Ќе дадеме се од себе, подготвени сме за натпреварот и се надевам дека ќе победи фудбалот и дека ќе дадеме добар и квалитетен натпревар. Далеку од тоа дека не чувствуваме некој притисок. Струмица е фудбалски град, многу фудбалери поминале низ неа. Ова е прво, исторско финале за Струмица, што ние сме посебно горди. Потајно имаме притисок, затоа што сакаме заедно да ја однесеме првата Куп-титула во Струмица.  Имаме посебна премија ако дојдеме до успех“, изјави тренерот на Академијата Југослав Тренчовски.

Македонија ЃП утре ќе се обиде да го освои својот втор трофеј, , Академија Пандев ќе слави прво одличје откако е во елитата и тоа за кус период од пет години. Капитенот Сашко Пандев вели деак ова ќе биде меч во кој ќе одлучуваат нијанси

,,Играме против екипа која знае што сака. Македонија ЃП избори опстанок, сега ќе се бори за Европа. Ние имаме квалификации за Лига Европа, трето место сме, но не чека тим кој сигурно нема да биде лесно да се победи туку-така. Според мене, Куп-финалето ќе го одлучат нијанси“, изјави Сашко Пандев.

 

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.