Кошаркарскиот клуб Струмица 2001 преку соопштение реагираше на иницијативата и предлогот на одделни политички субјекти за доделување на парични средства за клубовите. Реакцијата доаѓа откако на Седница на Совет на Општина Струмица опозициската СДСМ предложи КК Струмица и ЖФК Тиверија да добијат пари. Првите за пласманот во Супер лигата додека фудбалерките за КУП титулата
„ Сакаме јасно да истакнеме дека се оградуваме од било какви дневно-политички препукувања и активности во кои спортот би бил ставен во политички контекст. Спортот треба да остане обединувачка сила во општеството и простор во кој сите чинители ќе соработуваат исклучиво во интерес на спортистите, младите и граѓаните. Наш став е дека Општина Струмица сите спортски клубови, институции и политички субјекти треба заеднички да градат долгорочна спортска политика, спортска култура и подобри услови за развој на спортот. На Струмица и се потребни нова инфраструктура , подобри услови за работа и поддршка на спортот, согласно реалните потреби на сите сограѓани и спортски колективи. Воедно, сакаме да истакнеме дека во изминатиот период сме се увериле во заложбите и подготвеноста на актуелниот Градоначалник, Советот на Општина Струмица и институциите за унапредување и поддршка на спортските клубови во градот. Апелираме до политичките партии, спортските клубови да бидат оставени надвор од меѓусебните политички пресметки, особено имајќи предвид дека вакви практики на наградување не беа карактеристични нити во претходниот период иако пред четири години го имавме истиот успехНашиот фокус останува насочен кон спортот, младите спортисти, успесите на клубовите и афирмација на Струмица како град на спортот„ се наведува во соопштенито на клубот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
