Струмица жени славеше над шампионот Работнички и го мерка првото место на Наковски волеј кој славеше во Скопје

949

Во дербито на шестото првенствено коло, одбојкарките на Струмица жени славеа против Работнички со 3:1 во сетови (25:19, 16:25, 25: 22, 25:20) и се закотвија на втората позиција зад Наковски волеј со заостанување само поен.

Избраничките на Гоце Кончалиев мечот го отворија одлично. Диктираа и игра и резултат и без проблеми поведоа со 1:0. Потфрлија во вториот сет кога Работнички успеа да го консолидира приемот но и да бидат поофанзивни на мрежа. Неизвесен беше третиот сет кога Работнички се закани и имаше водство, но девојките на Струмица жени – Здјелар, Пандева, Шкекиќ, Поповиќ, Владевска, Попјораданова, Лазарова го свртеа резултатот и дојдоа до водство 2:1. Во четвртиот сет домакинките не дозволија „луксуз“ и паметно го одиграа за конечни 3:1.

Наковски Волеј без проблеми забележа максимална победа од 3:0 против Вардам ЕМ во Скопје и остана на првата позиција забележувајки ја и шестата победа.

Токму овие две екипи во сабота ја играат првата меѓусебна пресметка во која Наковски е во улога на домакин.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.